محمد الشريف
بين كل فترة وفترة نسمع اعلان عن لعبة جديدة، أو مشروع لعبة جديدة، لكن اعلان مختلف ومتقن مثل هذا نادرًا ما يصير.
تم الاعلان اليوم عن لعبة Strafe، على موقع kickstarter – وهو موقع يحتضن مشاريع اعلان عن ألعاب جديدة تحتاج الى دعم الناس عشان يكملون تطويرها. المختلف في الاعلان هذا انه متقن الى درجة رائعة. اذا كنت من اللاعبين القديمين، أو المحاربين القدامى على قولتهم، فلازم تشوف العرض الرهيب.
العرض يحتوي على بعض اللقطات الدمويّة، فاذا عندك مانع ضد هالأشياء، ما أنصحك تشوفه:
اذا ما فهمت وش السالفة، فالاعلان ماخذ أسلوب التسعينات، واللي يعتبر كلاسيكي بالنسبة للبعض. العرض كله استهبال طبعاً، بحيث يعرض لك واقعية اللعبة وانك تندمج معها لدرجة انها صارت حقيقية. أرهب شي في الاعلان بالنسبة لي كان: BLEEDING EDGE GRAPHICS AND GAMEPLAY. بالعربي صعب تترجمها بما ان فيها اشارات ما يفهمها الا اللي شافوا هذا النوع من الدعايات من زمان، تقدر تشبّها بواحد متحمس يقول: “أحسن جرافيكس وأحسن طريقة لعب في الحياة!”
بالنسبة للعبة نفسها، فهي لعبة تصويب منظور شخص أول، يتم تكوين المراحل والأعداء فيها بشكل عشوائي، بالاضافة الى “بعض المفاجآت”!
اللعبة مثل ما ذكرت لا زالت مشروع فقط، وقضية اكمال تطويرها يعتمد على الدعم اللي بيجيها. الى كتابة هذي الكلمات، اللعبة قدرت توصل 22،367 دولار. تحتاج اللعبة 185،009 دولار عشان توصل للميزانية المطلوبة، وبعدها يكملون تطوير اللعبة.
وش رأيك في الاعلان الشاطح؟ 🙂
أيمن اليغشي
بارعة
ابراهيم سليمان