محمد الشريف
في حال كنت مستخدم لشبكة ستيم، وتستخدم trading cards أو تبادل البطاقات مع اللاعبين، فالآن الشبكة صارت تطبّق خطوة أمنيّة عشان يتأكدون انك آدمي.
تبادل البطاقات هذي ميزة معروفة بين لاعبين ستيم. البطاقات هذي أساساً تاخذها من الألعاب اللي تلعبها، تقدر تقول زي المهمات الجانبية بحيث غالباً يطلب منك تشغلّ اللعبة وتخلّيها وتجيك البطاقة. البطاقات هذي ضرورية في رفع مستواك level، والرهيب فيها انك تقدر ترسلها لأخوياك اللي يحتاجونها عشان يرفعون ليفلاتهم.
الخطوة الأمنيّة هذي معروفة باسم Captcha، وهي قبل لا تسوّي تريدينق كارد أو تبادل بطاقات في الشبكة يطلع لك رسالة معها صورة وسطها أرقام وحروف عشوائية، ويطلب منك انك تكتبها وتتجاوز الاختبار. كذا يتأكدون انك آدمي صدقي، ماهو برنامج يبي يخترق حسابك.
الخطوة هذي مزعجة للكثير، لكن المصدر يقول ان المشكلة فعلاً موجودة، وان فيه شخص انسرق حسابه في ستيم بطريقة زي كذا.
أما بالنسبة لستيم، فتصريحهم:
” حنا نعرف ان هالخطوة مزعجة شوي، ولا نبغى نخلّي عملية تبادل البطاقات بين اللاعبين صعبة، لكننا نتوقع ان الخطوة هذي تساعد اللاعبين في الحفاظ على حساباهم من البرامج اللي ممكن تسرق حساباتهم”.
فالف حالياً تسوّي تغييرات ملفتة للنظر في خدمتها، كتبنا قبل فترة عن تغيير سياسة الاهداء والهدايا في الخدمة، وعن تغييرها في سياسة مبادلة الألعاب برضه.
وش رأيك بهذي الخطوة الأمنية من ستيم؟
احمد خالد
بارعة
