تفاصيل معرض يوم اللاعبين 2012 في الرياض!

وأخيراً وصلتنا التفاصيل النهائية لمعرض يوم اللاعبين 2012 – أكبر معرض العاب فيديو في المملكة – بيبدأ يوم الاربعاء الموافق 17 أكتوبر (الى الجمعة الموافق 19 اكتوبر) في مركز الرياض الدولي للمؤتمرات والمعارض.

ويبدو ان معرض هالسنة بيصير فيه 3 أشياء تختلف عن المعارض السابقة:

• مساحة أكبر بكثير من المعارض السابقة.
• يوم كامل مخصص للنساء (آخر يوم – 19 أكتوبر)
• كل واحد يسجل عن طريق موقع المعرض ويحضر بياخذ اشتراك Playstation Plus مجاناً! (لازم تاخذ تذكرة التسجيل معك)

بالنسبة للألعاب اللي بتكون موجودة في المعرض، ممكن تاخذ فكرة عن بعضها من هالفيديو الرسمي:

وأخيراً، هذا رابط الموقع الرسمي للمعرض للي حاب يسجّل: موقع معرض يوم اللاعبين 2012

وش أكثر لعبة متحمس تجربها في المعرض؟ شاركنا فيها بالتعليقات!

واذا كان ودك تفضفض وتعبّر عن غضبك بخصوص انه “ياخي ليش الاشياء الرهيبة دايم في الرياض؟!” او عندك حساسية من اقتراب النساء لعالمك الخاص وودك تقول شي زي “اما يوم كامل للحريم!!! حتى هذي ما خلوها لنا؟” – فلا تستحي، بامكانك تفضفض في التعليقات بعد. يمكن ما نقدر نوفّر لك حضن حنون، لكن الأكيد اننا بنستمع لفضفضتك عشان نخفف عنك شوي.