تقرير: سوني تخفّض رواتب مدراءها الى النصف، وتشيل عنهم المكافآت والعلاوات

حسب تقرير من جريدة Wall Street Journal، مدراء سوني -ويشمل هذا Kaz Hirai وغيرهم- بيتم تخفيض رواتبهم الى النصف، وبتنشال عنهم المكافآت والعلاوات.

جا التقرير هذا بعد ما أعلنت سوني عن اضافة 200 مليون دولار للخساير المتوقعة لهذي السنة، واللي يتوقعون انها توصل 1.2 مليار دولار. سبب اضافة الخساير هذي لها علاقة كبيرة ببيعها لقسم الكمبيوتر قبل فترة وطلوعها منه.

يعيش قسم ألعاب الفيديو فترة ممتازة حالياً مع نجاح بلاي ستيشن 4، لكن المشكلة في أقسام مثل الكاميرا والتلفزيونات وغيرها اللي أداءها سيء جداً في السنوات الأخيرة. أضف الى ذلك ان كاز هيراي -المدير التنفيذي لشركة سوني- سوّا بعض التغييرات الجريئة مثل فصل قسم التلفزيون مع بقاء الملكيّة لسوني،وبيعهم لقسم الكمبيوتر بالكامل برضه.

على ان سوني لها فترة تسوّي تغييرات كبيرة في الشركة الا انها لا زالت تعاني من الخساير، لكن الشركات الكبيرة عادةً تحتاج وقت الين ما تشوف نتايج التغييرات اللي نشوفها حالياً.

هل تتوقع هالخساير بتأثر على قسم بلاي ستيشن في يوم من الأيام؟