لاحظنا أمس في تويتر شكاوي كثيرة من الناس اللي يبون يشترون بلايستيشن 4 على هاشتاق #وكيل_سوني. أغلب الشكاوي كانت حول عدم توفّر الجهاز عند معارض الوكيل، و توفّره بسعر عالي جداً في المحلات. هالشي أدّى لتوقّع البعض ان هذي حركة مقصودة من الوكيل عشان يصرّف الكميات الباقية من أجهزة بلايستيشن 3، أو عشان يرفع سعر الجهاز في السوق.
حسب علمنا أنه فعلاً فيه نقص عالمي في أجهزة بلايستيشن 4، وان اغلب الأجهزة اللي تنباع في المحلات الثانيه تكون أجهزة أمريكيه يجيبها المحل مباشره من برا، لكن تواصلنا مع وكيل سوني بحيث ناخذ تصريح رسمي منهم وكانت هذي افادتهم:
نعتذر عن التأخير الحاصل في وصول بلايستيشن 4، الطلب العالمي لبلايستيشن 4 يستمر بالتزايد و تعمل سوني بكد لتلبية الطلب الملح. نتمنى صبركم. بالنسبة للسعودية الأجهزة تنتظر المخالصة حالياً وسيتم توفيرها فور جاهزيتها للأسواق مباشرة.
بالمناسبة هذي ماهي أول مره تعاني فيها الشركات عموماً مع الجمارك وتخليص الأجهزة أو المنتجات، وتأكدنا من مصادرنا ان المشكلة فعلياً خارجه عن يد الوكيل تماماً.
تابع حسابنا في تويتر عشان يوصلك أي جديد يخص الموضوع.
