لعبة بلودبورن، أكثر لعبة متحمسين لها في 2015، موعد اصدارها في 24 من هذا الشهر، لكن فيه أنباء في الانترنت عن بعض المحلات اللي باعت اللعبة قبل موعدها.
واحد من منتدى PlayStation Trophies المعروف حصل على لعبته، ومن فرحته صوّر اللعبة من برا ومن جوّا. اللعبة -مثل كثير من ألعاب سوني- تقدر تقلب الغلاف حقها، بحيث تقدر تخلي غلاف اللعبة بشكل ثاني. غير كذا يبدو ان اللعبة يجي معها شي له علاقة بلعبة سوني Until Dawn، احتمال تكون مجرد دعاية لها، واحتمال تكون كود يعطيك ديمو للعبة في المستقبل.
الغلاف الثاني رهيب.
هذي من المرّات النادرة اللي تنباع فيها اللعبة قبل موعدها الرسمي. راع اللعبة يقول انه تواصل مع سوني بخصوص الموضوع، يبغى يلعب اللعبة بما انه حصل عليها لكنه يخاف ان سوني يلغون حسابه من شبكة بلايستيشن. شكله ما قد جا السعودية! 🙂
