ودّك تشتري لعبة جديدة بس محتار وش فيه ألعاب ممتازة بالسوق؟ تعرف واحد تكرهه وودك تمقلبه بلعبة أبو كلب؟ اجل التحديث الجديد بيعجبك!
صنّفنا جميع تقييماتنا بحيث تقدر تتصفّحها حسب التقييم النهائي حقها. حط الماوس على قسم التقييمات وبتطلع لك التصنيفات تحته.
وبالمناسبة، وصلتنا عدة ملاحظات ان اسم تقييم “أبو كلب” ماهو مناسب، عشان كذا راح نغيّره في قريباً الى كلمة ألطف شوي لكن تعطي نفس المعنى وهو أن اللعبة شينة مرة.
شكراً للأخ فيصل الغامدي اللي ارسل لنا هالاقتراح. الله يهديه سهّرني ايميله لأن من كثر حماسي مع الفكرة عجزت أنام لين أسويها.
وشكراً بعد للباش مهندس عمّار الجندي اللي نبهنا ان القوائم اللي فيها قوائم جانبيه ما عندها علامة توضّح هالشي، عدّلنا هالشي بعد. راح تطلع علامة الآن الا اذا كنت من الزوار القليلين جداً جداً (حسب احصائيات الموقع) اللي يستخدمون انترنت اكسبلورر 7 أو 8. حدّث ولا غيّر متصفّحك ولا شف لك صرفة يرحم والديك. 🙁
يعطيكم العافيه جميعاً ولا تحرمونا من ملاحظاتكم واقتراحاتكم!
