الايجابيات
- عالم رهيب فيه تفاصيل جميلة، وتعيش فيه شخصيات من القصص الخيالية (سنو وايت، الجميلة والوحش..الخ) لكن بأسلوب أكثر واقعية وهم يعيشون حياة الناس الطبيعيين الصعبة ويعانون نفس معاناتهم.
- شخصية البطل رهيبة وتتعاطف معه وتحاول تساعده من البداية.
- قصة تحقيق غامضة تشدّك من البداية الى النهاية، وفيها أحداث غير متوقّعة. والحلو في الموضوع انك تتحكّم بنفسك في سير عملية التحقيق، يعني ممكن انت تشتبه في واحد لكن انا اشتبه في واحد ثاني. خلصت الحلقة الأولى وانا الى الحين مو متأكد مين المجرم!
- تصميم جميل ومميّز لعالم اللعبة يميّزها حتى عن The Walking Dead. كنت خايف انهم بيصيرون متشابهين دامهم يتبعون نفس اسلوب الرسم ومن نفس الشركة.
- موسيقى تصويرية رايقه تناسب جو اللعبة الغامض وتخلّيك تخش جو معها.
- مستوى الكتابة في اللعبة ممتاز. أغلب الحوارات اللي في القصة استمتعت فيها.
السلبيات
- كل ما تواجه شخصية جديدة راح تنفتح لك نبذه قصيره عنها تفهّمك قصتها، وبتحتاج توقّف اللعبة عشان تقرا هالنبذه. تمنّيت انهم يدخّلون هالشي من ضمن القصّة بحيث ما احتاج كل شوي أوقف اللعبة واروح للقائمة بس عشان أقرا، أو على الأقل كل ما دخلت شخصية جديدة في المشهد يوقّفونه بطريقة فنّية ويعرضون النبذه القصيرة حقتها عشان ما يطلعوني من جو اللعب بس.
- فيديو “في الحلقة القادمة” اللي ينعرض في آخر الحلقة أحسه يحرق أكثر مما هو يحمّس. ما أنصحك تشوفه.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
الصراحة كان عندي شك كبير في ان شركة Telltale Games بتقدر تسوي شي في مستوى The Walking Dead، خاصة بعد الاحباط اللي جاني مع لعبة الشبيهة (من ناحية أسلوب اللعبة) Beyond: Two Souls وتوقّعاتي العالية لها. لكن بعد انهاء أول حلقة، أقدر أقول وبكل ثقة انها أفضل حتى من The Walking Dead بالنسبة لي. بس حط في بالك انه في حال ما كانت تستهويك القصص الخيالية، أو كانت لغتك الانجليزية ضعيفة، فغالباً ما راح تستمتع فيها نهائياً.
ألعاب مشابهة
- The Walking Dead
- Heavy Rain
فيديو اللعبة
