محمد الشريف
وش سالفة اللعبة
الاضافة الأولى والأخيرة للعبة The Last of Us. أحداث الاضافة تصير قبل أحداث اللعبة الأساسية، بحيث تركّز على ماضي إيلي (Ellie) مع صديقتها رايلي (Riley).
معلومات اللعبة
الايجابيات
- اضافة حقيقية تعطيك تجربة ممتازة وعمق أكبر للقصة، عكس أغلب الاضافات في الألعاب واللي غالباً تكون مجرّد تلفيق لربح الفلوس.
- الكتابة متقنة الى أبعد درجة ممكنة، تماماً مثل ما شفنا في اللعبة الأساسية.
- تمثيل صوتي أسطوري ما شفت مثله الا في اللعبة الأساسية. وجميع الحوارات متقنة بدقّة متناهية، سواءً كانت فكاهيّة أو جديّة.
- موسيقى تصويرية رائعة، رائعة ياخي!
- اضافة بعض الخيارات في الحوارات، بحيث تعطيك سبب انك ترجع تعيد الاضافة عشان تغيّر خياراتك.
- تصوير “العالم الموحش” بأفضل صورة ممكنة، خصوصاً اذا ركّزت على العالم من منظور إيلي، ووجود الكثير من اللقطات العاطفية. اللي حب شخصية إيلي -مثلي- أقدر أضمن له انه بيندمج مع الأحداث.
- اللي لعب اللعبة بيعرف انه من الناحية المنطقيّة ان إيلي ما راح تعرف تقاتل بما ان أحداث الاضافة قبل الأحداث الأساسية. هذي الاشكالية انحلّت بشكل رائع 🙂
السلبيات
- البداية بطيئة شوي. أقدر أشوف البعض يشتكي منها.
- بعد التعمّق في شخصية إيلي، أتصوّر الكثير بينتقدونها، وحتى احتمال يوصل النقد الى نوتي دوق لجرأتهم.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
ذا لاست أوف أس لعبة أعتبرها رفعت المعايير في الكتابة والتمثيل، الاضافة هذي قدمت لي نفس المستوى اللي في اللعبة الأساسية من هذي النواحي بالذات، ورجعّت لي التجربة الفريدة اللي عشتها مع اللعبة الأساسية. تحتاج بعض الوقت الين ما تندمج مع الاضافة، لكن بعد فترة بسيطة قدرت اندمجت مع القصة العميقة، وطلعت بتجربة ما لقيتها في ألعاب كاملة.
ألعاب مشابهة
تقدر تشوف الألعاب اللي تشبه ذا لاست أوف أس في تقييمنا للعبة.
فيديو اللعبة
Loading ...
مصطفى عرجون
صالح بازرعة
