الايجابيات
- تيراريا تشبه الى حد كبير لعبة “ماينكرافت” لكن بأسلوب لعبة “ماريو” اللي نسميه المناقز.
- عالم كبير جداً للإستكشاف و المغامرة و البحث عن المعادن و الأحجار الكريمة اللي تحتاجها لتطوير شخصيتك و صنع اسلحتك و دروعك أو بناء بيتك اللي ممكن تخليه قصر عظيم أو غرفة معوقة. والحلو ان مب كل شي واضح في اللعبة و لازم تكتشف أشياء كثيرة بنفسك و هذا يعطيك شعور بالإنجاز.
- مجموعة كبيرة من الملابس و الدروع، و بعضها تتميز بقدرات خارقة (مثلا تعطيك قدرة على الطيران أو الجري بسرعة خارقة أو تخليك مقاوم للنار) و البعض الأخر نادرة جداً بس إذا لقيتها تقدر تهايط على اصحابك.
- عدد كبيرة من الأسلحة سواء قريبة المدى مثل السيوف أو بعيدة المدى مثل الأسهم أو الرشاشات، و في اسلحة تعطيك قدرات خارقة مثل السيف اللي يطلق نجوم من السماء و زي اللي قبل صعب تلاقيها و تكون نادرة بس تعطيك حق الهياط.
- تقدر تلعب مع 4 من اصحابك على نفس الشاشة (تنقسم الشاشة 4 اقسام) أو تلعب مع 8 اشخاص اونلاين، و هذا يفيدك كثير خصوصاً مع الرؤساء اللي جايبين العيد فيك و يزيد الحماس و المتعة بشكل كبير.
- عمر اللعبة طويل جداً مقابل سعرها – 15 دولار. (حاليا انا مكمل فيه فوق 75 ساعة)
السلبيات
- في البداية ممكن تواجه صعوبة و تعقيد في التحكم و القوائم بس بعد فترة بتتعود عليه.
- مشكلة في دقة التصويب و إختيار المكعبات اللي ودك تكسرها أو تبنيها (يعني لو تبي تكسر مكعب بالغلط راح تكسر اللي حوله)، لأن اللعبة أصلا مصممة للتحكم بالفأرة و لوحة المفاتيح و بالإضافة ان حجم المكعبات صغيرة في الشاشة عكس لعبة ماينكرافت.
- طور التدريب احيانا كثيرة ما يستوعب أني سويت المطلوب و يعلقني فترة اعيد الشغلة كذا مرة عشان يرضى عني.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
تيراريا أصنفها من العاب الـ"مخمخة". يعني يبيلك بال طويل جداً مثل لعبة ماينكرافت، رتمها بطيء و عشان تتطور في اللعبة بتاخذ فترة بس في نفس الوقت هذا اللي يخليها ممتعة، خصوصا لو لعبتها مع أخوياك و صرتوا تتعاونوا مع بعض و تقتلوا الرؤساء أو تدخلوا مغامرات عشان تجيبوا سلاح خارق لصاحبكم الضعيف، أو قلبت اللعبة نذالة و صار كل واحد يقتل الثاني و يفجر بيته.
ألعاب مشابهة
- Minecraft
فيديو اللعبة
