وش سالفة اللعبة
قصة اللعبه تصير بكوكب باندورا (Pandora) وهي جزء من عالم لعبة Borderlands، وتتحكم بشخصيتين، ريس (Rhys) ، شخص يشتغل بشركة هايبيريون وعلى اساس يكون هاندسوم جاك القادم. وفيونا (Fiona) شخصيه من باندورا وتكره الهايبريون، تخادع عشان الفلوس وماهره بحوارات الشد والجذب. وش علاقتهم ببعض وش يبون يوصلون له؟ هذا الي تلعب عشان تعرفه.
معلومات اللعبة
الناشر: Telltale Games
المطور: Telltale Games, Gearbox Software
تاريخ الإصدار: 11/25/2014
التصنيف العمري: PEGI 16+
عمر اللعبة: ساعتين (تقريبي)
الأجهزة الخاصة باللعبة: Xbox One, Xbox 360, PS4 (جهاز التقييم), PS3, PS Vita, PC
تحتاج إنجليزي؟: تحتاج
الايجابيات
- رتم القصه تصاعدي بشكل ممتاز، كل ماتلعب اكثر كل ماتتحمس اكثر.
- القصه رغم بساطتها لكنها مثيره باحداثها وشخصياتها وطريقة سردها.
- واحد من اهم عناصر بوردرلاند هو الكوميديا، وtales from the borderlands اتقنت العنصر ذا بشكل جداً رائع، الكوميديا باللعبة تحسها طبيعيه جدا وغير مصطنعه عكس بعض الالعاب الي تحس انهم يحاولون يضحكونك بكل حركة تصير.
- الشخصيات رهيبه مره وتحس كل شخصيه لها اسلوب مستقل فيها وممكن يتغير بناء على خيارات المحادثه احيانا.
- الأكشن باللعبه ممتاز، سواء طريقة اللعب او الاحداث، كلها جميله وتشدك ومتناسبه تماما مع اسلوب اللعبه.
- التمثيل الصوتي جدا جميل كعادة العاب .Telltale
السلبيات
- حرفيا، الحلقه كلها مافيها اي قرار مصيري ويخليك تفكر كثير وتحتار.
- بعض الاخطاء الي تصير اثناء الحوارات بحيث تسمع صوت الشخصيه بس ماتشوفه يتكلم، خطأ بسيط وقليل جداً لكن اذا صار ممكن يلخبطك بخياراتك بالحوارات.
- المقدمه طويله شوي وبارده لدرجة انه جاني شعور تشاؤوم باللعبه.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
لعبة Tales from the Borderlands تعطيك التجربة الي تتوقعها تماما من تعاون Telltale Games مع Gearbox. كوميديا وشطحات عالم بوردرلاندز اجتمعت مع تشويق وقوة حوارات المطوّر Telltale، والناتج لعبة جميله جدا وتستحق التجربه حتى مع زحمة الالعاب.
ألعاب مشابهة
- The walking dead
- The wolf among us
فيديو اللعبة
