وش سالفة اللعبة
هي لعبة ار بي جي (RPG) نظام “طقني واطقك”. احداثة تحدث في عالم مسلسل South Park. وهي اول لعبة تكون بإشراف منتجين المسلسل.
معلومات اللعبة
الناشر: Ubisoft
المطور: Obsidian Entertainment
تاريخ الإصدار: 2014/03/07
التصنيف العمري: PEGI 18+
عمر اللعبة: 12-14 (تقريبي)
الأجهزة الخاصة باللعبة: Xbox 360 (جهاز التقييم), PS3, PC
تحتاج إنجليزي؟: تحتاج
الايجابيات
- الرسم نفس المسلسل بالضبط؛ لدرجة انك تحس بإنك قاعد تتفرج عليه.
- اللعبة تعتبر من الالعاب القليلة اللي تضحك، واللي يساعد على هذا الشيء هو تمثيل الصوتي الرهيب. مو لازم تكون من متابعين المسلسل عشان تفهم النكت اللي في اللعبة؛ لكن بتضحك اكثر اذا كنت من متابعينه.
- نظام الادوار في القتال فيها لمسات رهيبة للضربات كأنها العاب صغيرة (Mini-Games) مثل تضغيط الازرار اللي تطلع في الشاشة بسرعة.
- الاستكشاف وحل الالغاز ممتع.
- تعدد الشخصيات واختلاف قدراتهم يعطيك تجربة مختلفة وحلوة للعبة من هالنوع.
السلبيات
- بعض المقاطع في اللعبة غير لائقة لأذواق بعض اللاعبين (أو مجتمعنا بشكل عام)؛ منها المقرف ومنها السخيف.
- اللعبة سهلة بشكل عام، لكن سهولتها تزيد عن حدها لدرجة انك بتستغني عن بعض الشخصيات وقدراتهم في آخر ربع من اللعبة.
- اللعبة قصيرة بالنسبة للعبة ار بي جي.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
بالرغم من سهولة لعبة South Park: The Stick of Truth، الا انها ممتعة وفريدة من نوعها. ودي اشوف استخدام اكثر ومتنوع للشخصيات في جزء جديد للعبة (اذا كانوا ناوين عليه).
ألعاب مشابهة
- Mario & Luigi: Dream Team
فيديو اللعبة
