وش سالفة اللعبة
Shovel Knight هي لعبة ثنائية الابعاد مدعومة من خلال موقع دعم المشاريع المستقلة، Kickstarter. في هذي اللعبة تلعب بفارس سلاحه مجرفة. اللعبة تدمج عوامل كثيرة من العاب معروفة مثل ميجا مان، دارك سولز، و دك تيلز.
معلومات اللعبة
الايجابيات
- التحكم سهل وبسيط. التحدي فيه يعتمد على توقيت النقزات والضربات.
- صعوبتها ممتعة جداً، تعتمد على مهاراتك في التحكم وتبتعد عن عنصر المفاجأة (والرخيص) في الصعوبة مثل انّك تموت قبل ما تعرف السبب.
- الاسلحة الجانبية متنوعة بشكل جذري. ما تروح قيمة الاسلحة القديمة لما تاخذ اسلحة جديدة.
- قتال الزعماء متنوّع، صعب، وممتع.
- نظام تجميع الذهب والمجوهرات تقدر تستخدمها لأشياء كثيرة مثل تزويد الـMana والـHealth. لمّا تموت، تخسر 1/4 من المجوهرات وعندك فرصة وحدة تسترجعها (مثل السولز في دارك سولز).
- موسيقى من نوع الـ8Bit تخليك تدندنها بعد فترة من اللعب.
السلبيات
- بالرغم من رهابة السلاح الرئيسي، المجرفة (Shovel)، الا انك ما تقدر تغيّره.
- في بعض الأحيان، استرجاع المجوهرات اللي طاحت منك يكون مستحيل بسبب طبيعة المكان اللي مت فيه.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
لعبة Shovel Knight اخذت عناصر كثيرة من العاب قوية مثل Mega Man و Dark Souls، ودمجتهم بشكل جبار. الصعوبة فيها ممتعة ومصممة بذكاء، مع تحكم بسيط وسهل انك تتعلمه. بكل تأكيد، Shovel Knight تعتبر من افضل العاب المطوّر المستقل.
ألعاب مشابهة
- Megaman 10
- Ducktales Remastered
فيديو اللعبة
