الايجابيات
- قفزة كبيرة في الجرافيكس ودقّة أشكال اللاعبين بفضل استخدام نسخة معدّلة من محرّك Fox Engine الجديد.
- التصميم والالوان واللاعبين اللي يظهرون في القوائم يتغيرون بناءً على فريقك المفضّل اللي تحدّدة. تحس اللعبة هويّتها تصير هوية فريقك.
- جمهور حماسي متفاعل مع اللعب، ولفت انتباهي ان الجمهور السعودي له تشجيعه الخاص.
- دعم دوري أبطال آسيا وتواجد الفرق السعودية.
السلبيات
- زيادة في الواقعية في اللعب خرّبت أسلوب اللعب السهل والسلس اللي تميّزت فيه السلسلة سابقاً. صارت استجابة اللاعبين ابطأ وتحسّهم ثقيلين بشكل عام.
- ذكاء صناعي سيء لزملائك في الملعب خاصة خلال الهجمات.
- نقص كبير في التواجد الرسمي للفرق والملاعب الرسمية. الملاعب الاسبانية مثلاً غير موجودة. الدوري الانجليزي مافيه الا مانشستر يونايتد، وباقي الفرق موجودة لكن باسماء وأطقم وهمية (تشيلسي يصير London FC مثلاً). هالشي مزعج جداً صراحه.
- الترجمة العربية سيئة. بتواجه جمل زي “يوفر التدريب الآن التمرين لتحسين الاداء الجديدة تماماً” اللي ما تدري وش تبي بالضبط! والغريب ان القائمة الرئيسية غير مدعومه في العربي وتظهر بالانجليزي. والتعليق العربي للأسف أيضاً سيء. ما توقعت رؤوف خليف بهالبرود. تحسه مغصوب يعلّق.
- قوائم بتصميم قديم جداً. وعلى سيرة القديم، حتى تحديثات الاونلاين (اللي ما اشتغل بالمناسبة) غريبه، تحمّلها من جوا اللعبة بشكل مستقل عن تحديثات اللعبة نفسها! فكر قديم جداً.
- تقطيع واضح في الصورة في بعض اجزاء المباريات، خاصة في الاعادات.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
اذا كنت من عشّاق سلسلة FIFA، فلا تفكّر ولا مجرّد التفكير في PES 2014. اما اذا كنت من عشّاق سلسلة PES، فاحتمال ما يعجبك التوجّه الجديد للواقعية الزايدة في اللعب، خاصة انها ماهي متقنة مره. شخصياً أشوف اللعبة تفشل في أساسيات كثيرة بغض النظر عن "المزايا" الجديدة اللي فيها، وهذا كان سبب اني ما حسيت ان هالمزايا تضيف شي للعبة. اللعبة ممكّن تمشّي الحال اذا لعبتها مع اخوياك. شخصياً ما اعجبتني نهائياً ولا اعتقد اني راح العبها بعد التقييم. بالمناسبة، تقييمي كله كان وكأنه مافيه لعبه في العالم غير PES. لو قيّمتها بمنافسها الوحيد (فيفا)، فاعتقد بيكون شكلها اسوأ بكثير.
ألعاب مشابهة
- FIFA 2014
فيديو اللعبة
