وش سالفة اللعبة
لعبة عالم مفتوح، RPG غربي في عالم Lord of the Rings. تلعب بشخصية اسمها Tailon، عنده قدرات سحرية -مثل باقي ألعاب الآر بي جي- وتقدر تطوّر الشخصية. عندك في اللعبة ثلاث أسلحة رئيسية: سيف وخنجر وأسهم، وتقدر تطوّر كل هالأسلحة مع تقدمك باللعبة.
ملاحظة: بما ان اللعبة مبنية على عالم Lord of the Rings، وأنا -للأسف- ما قد شفت الأفلام، فما راح أذكر القصة. لكن بعد بحث بسيط واستشارة من اللي شافوا الأفلام، قالوا ان القصة ماهي من أقوى عناصر اللعبة.
معلومات اللعبة
الايجابيات
- محتوى هائل في العالم، بحيث تلقى مهمات أو أشياء تستفيد منها في كل مكان في اللعبة.
- من أفضل الألعاب اللي أجبرتني ألعب المهمات الجانبية عشان أطوّر نفسي، واللي كانت ممتعة.
- نظام الكابتن وقادة الحرب من أفضل الأشياء في اللعبة، بحيث تتعلم استراتيجيات قتال مختلفة لكل واحد.
- الموت في اللعبة ماهو سهل، بحيث اذا مت على يد قائد حرب أو كابتن فراح يرتفع مستواه ويصير أقوى!
- كثير من القدرات اللي تفكها تفيدك فعلاً وتسهل لك اللعبة، وماهي مجرد “ضربات جديدة” وخلاص.
- تنوّيع المهمات، بحيث بعض المهمات تطلب منك تخفّي وبعضها قتل صريح وغيره.
- عناصر التخفّي تعتبر جيّدة بالنسبة للعبة تعطيك هذا الشي كخيار من خيارات طرق اللعب.
- الأعداء يتعلمون منك، مثلاً اذا حرقت واحد وقدر يهرب منك بيتذكر انك سويت فيه هذا الشي اذا قابلته مره ثانية.
- مستوى التقطيع بالسيف أو الخنجر في اللعبة خرافي، خصوصاً brutalize kill 🙂
- عكس باقي الألعاب، الزعماء (قادة الحرب) تقدر تحاربهم متى ما بغيت، لكن لازم تكون مستعد لهم أتم استعداد.
السلبيات
- كمية التعليمات اللي يكبونها عليك في بداية اللعبة تضيعك، لدرجة اني كنت ناوي أترك اللعبة!
- مشاكل مزعجة في التحكم، خصوصاً التأخير في الاستجابة.
- التصويب التلقائي غريب، تتضح هذي المشكلة اذا كان قدامك أعداء كثيرين وتبي تغتال واحد فيهم، بحيث ممكن تلقى نفسك اغتلت واحد غلط.
- طريقة توزيع التحكم معقدة، كثير من القدرات اللي فكيتها نسيتها لانها تطلب منك تعلّق على زر وتضغط زر، وغالباً تتشابه مع قدرات ثانية.
- مثل Assassin’s Creed، التسلّق (أو مناقز) في اللعبة مضروب في كثير من مناطق اللعبة.
- ما تقدر تشيل اسعاف معك، حسيت انهم يبغون يصعبون عليك اللعبة حتى لو كانت بشكل غير منطقي.
- كثير من المرات أكون واقف على جدار، وأبي أنزل منه، وأكتشف فجأة اني نقزت على واحد من الأعداء وسويت وحدة من القدرات. هذا بسبب ان زر “دائرة” له أكثر من وظيفة.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
لعبة عالم مفتوح رائعة فيها مئات المهمات اللي تستمتع فيها. على ان طريقة اللعب (خصوصاً التحكم) فيه مشاكل مزعجة، الا ان التجربة العامة للعبة ممتعة ورهيبه. الى وقت كتابة هذا التقييم، أقدر أقول ان هذي من أكثر الألعاب اللي استمتعت فيها هذي السنة.
اللعبة هذي أثبتت ان الاقتباسات من الألعاب الثانية، ولو كانت اقتباسات عنيفة، ماهي بالضرورة شي سيء طالما انك جمعت العناصر كلها في لعبة...ممتازة
ألعاب مشابهة
- Assassin’s Creed
- Batman سلسلة Arkham (نظام القتال)
فيديو اللعبة
