وش سالفة اللعبة
لعبة قصّة تفاعليّة، بحيث تتخّذ فيها قرارات تغيّر في أحداث القصة. قصّة اللعبة بشكل أساسي تتعلق ببنت اسمها Max Caufield، وهي طالبة جامعية تدرس تصوير، عندها قدرة غريبة، وهي التحكّم بالوقت. تتعرض البنت لأحداث معيّنة، بعضها يجبرها انها تعيد الوقت وتتخذ قرارات عشان تغيّر الحدث اللي صار. اللاعب بيكون له الحرية في اختيار القرار اللي يشوفه مناسب في الموقف.
معلومات اللعبة
الناشر: Square Enix
المطور: DONTNOD GAMES
تاريخ الإصدار: 05/20/2015
التصنيف العمري: PEGI 16+
عمر اللعبة: 3 ساعات (تقريبي)
الأجهزة الخاصة باللعبة: Xbox One, Xbox 360, PS4 (جهاز التقييم), PS3, PC, iOS
تحتاج إنجليزي؟: تحتاج
الايجابيات
- مثل أغلب الحلقات السابقة، تبدأ الحلقة بأسلوب رايق ورائع، خصوصًا الموسيقى وطريقة التصوير.
- حتى لو اخترت قرارات خاطئة، فيه مشاهد تنعرض لك وتنتهي بحيث تشوف ان قرارك كان خاطئ. هذي الحركة بالذات أعجبتني، عكس بعض الألعاب اللي اذا اخترت قرار خاطئ تموت الشخصية أو يصير لها حدث معيّن ينتهي بسرعة ويخلونك تعيد عشان تختار القرار المطلوب.
- نهاية الحلقة رائعة وخلّتني أتحمّس وأتطلّع للحلقة القادمة.
السلبيات
- باستثناء النهاية، معظم أحداث الحلقة كانت باردة.
- حوارات اللعبة بشكل عام ماهي زينه، لكن هذي الحلقة بالذات مستواها متدنّي للغاية. كثير من الجمل تحس كاتبينها ناس يحاولون يسوون نفسهم يعرفون الحوارات اللي تصير بين المراهقين هاليومين.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
بدأت الحلقة وانتصفت ووصلت الى حول النهاية ولا كنت متحمس مع أحداثها، لكن في نهاية اللعبة تصاعدت الأحداث ووصلت الى مستوى رائع ومفاجئ. أتمنى ان الحلقة القادمة تكمل على نفس مستوى نهاية هذي الحلقة، لانها كانت من جد نهاية ممتازة. الحلقة بشكل عام أحداثها بطيئة، لكنها انتهت نهاية على الأقل خلّتني أتطلّع للحلقة اللي بعدها.
ألعاب مشابهة
- The Walking Dead
- The Wolf Among Us
- Heavy Rain
فيديو اللعبة
