وش سالفة اللعبة
لعبة فنّية من الدرجة الأولى هدفها تخليك تعيش تجربة فنّية وعاطفية وتكتشف عالم جميل جداً. صدرت سابقاً على البلايستيشن 3، وتم اعادة اصدارها الآن مع بعض التحسينات على بلايستيشن 4.
معلومات اللعبة
الناشر: Sony Computer Entertainment
المطور: Tricky Pixels
تاريخ الإصدار: 07/21/2015
النوع: مغامرات
التصنيف العمري: PEGI 3+
عمر اللعبة: ساعتين (تقريبي)
الأجهزة الخاصة باللعبة: PS4 (جهاز التقييم)
تحتاج إنجليزي؟: ما تحتاج
الايجابيات
- عالم جميل جداً ومبهر ومنوّع، حتى بالنسبة للعبة نزلت قبل 3 سنوات.
- من الألعاب القليلة اللي تخليك تحاول تفهم وتستكشف العالم بدون أي ارشادات.
- انضمام اللاعبين لك واللعب معك اونلاين بشكل سلس وبدون ما تحس فيه (ينضم لك لاعب واحد كحد اقصى)
- موسيقى رائعة.
السلبيات
- اذا دخل على لعبتك شخص ما يعرف يلعب او مو فاهم وش لازم يسوي (وهذا اللي صار معي) فراح يخرب عليك التجربة.
- القصة مبهمة جداً. اتفهّم انها لعبة فنّية مليئة بالرمزية وأشياء كثير متروكه لفهم اللاعب، لكن هالشي يقلل من قيمة التجربه بشكل عام.
- اللعبة قصيرة جداً ولا فيه سبب يخليك ترجع تلعبها، الا اذا ناوي تطلع كل التروفيز.
- التحسينات الموجودة في نسخة بلايستيشن 4 صعب تلاحظها، الا في حال كان تلفزيونك كبير بما ان النسخة المحسّنة تشتغل على دقة 1080p.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
اذا ما لعبت اللعبة على بلايستيشن 3 وتبحث عن تجربة جميلة تدلّع عينك، وشيء مختلف في عالم الألعاب فانصحك باللعبة وبشدّة. اما اذا كنت من اللي لعبوا اللعبة سابقاً، او يبحثون عن العاب تقليدية فما انصح فيها.
ألعاب مشابهة
هذي اللعبة فريدة من نوعها ومالها أي لعبة تشبهها.
فيديو اللعبة
