الايجابيات
- الجرافيكس المبهر وتصميم المراحل الرهيب اللي عودتنا عليهم السلسلة.
- مهمات Declassify، وتلقاها في كل مرحلة. في حال قبلت هذي المهمات يصير مستوى التحدّي في المرحلة أكبر (يجبرونك تستخدم سلاحين فقط، أو مدى الرؤية يصير ضعيف، أو يجونك اعداء أكثر…الخ) ، وتنكشف لك حقائق أكثر عن القصة.
- اذا مات لاعبك و عدت المرحلة من آخر تخزين في طور القصة، راح يتغيرون الاعداء، وهالشي اضاف تنويع حلو في اللعب، ويخليك تتجنب الملل في حال كنت تموت كثير.
- أطوار Overrun و Survival في الاونلاين. أعجبتني الاضافة الجديدة في السلسلة وهي وجود تخصصات (كلاسات) للجنود (Cogs)، وهالشي يضيف استراتيجية وعمق أكبر في اللعب.
- لعب أسرع مع نظام التحكّم الجديد، اللي تستخدم فيه زر B لتغيير الاسلحة بشكل سريع بدل الأسهم، وترمي القنابل باستخدام زر LB بدون ما تحتاج تغيّر سلاحك.
السلبيات
- القصة تحمّسك في البداية ثم بعد ما تنتهي منها تكتشف انها سخيفة جداً ومافيها اضافة حقيقية. حتى الشخصيات الجديدة بارده وحواراتهم سطحية، ما بينهم التحشيش اللي كان يصير بين الرباعي في الاجزاء السابقة. حتى Cole اللي كنت مأمّل عليه طلع أغلب وقته ساكت ما يهايط مثل أول.
- طور القصة جداً ممل مقارنة بالاجزاء السابقة. مافيه الحروب الملحمية اللي تصير بينك وبين اعداء أكبر منك بعشرين مره، ولا فيه تنويع كبير في البيئات.
- ذكاء صناعي ينرفز، سواءاً على مستوى الاعداء أو على مستوى الجنود اللي معك، ولكنهم يتفقون عموماً على “الدرعمة” بشكل عام.
- وين Horde Mode؟ ياخي هذاك كان امتع شي بالنسبة لي في Gears of War 3! حتى طور Survival الجديد ما يجي ولا نص متعة Horde Mode.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
مافيه شك اذا انت من عشاق سلسلة Gears of War فلازم تشتري هذي اللعبة. شخصياً اشوف هالجزء (بشكل عام) أقل جودة من Gears of War 3، لكنه يضل جداً ممتع خاصة اذا كنت ناوي تلعب مع ناس تعرفهم. اذا انت جديد على السلسلة، فما اعتقد انه هذا هو الجزء المناسب اللي تبدأ فيه لأنه ما يعكس جودة السلسلة ككل، لكن اذا ما عندك وقت تلعب الاجزاء السابقة فراح تستمتع بهذا الجزء.
ألعاب مشابهة
- Dead Space 3
- Vanquish
فيديو اللعبة
