وش سالفة اللعبة
CounterSpy هي لعبة تجسس ثنائية الابعاد. في اللعبة، انت تلعب دور جاسوس يحاول يمنع اكبر قوّتين في العالم من تفجير القمر بأسلحتهم النوويّة. اللعبة تعتمد بشكل كبير على التخفّي ودقّة التصويب.
معلومات اللعبة
الايجابيات
- الرسم والتقديم جميل جداً. اللعبة تعيّشك في عالم الرسوم المتحرّكة التجسّسية القديمة.
- الموسيقى تدخلك (وبقوّة) في جو التجسس والتخفّي.
- فكرة اللعبة رائعة: تتجسس بين قوّتين عظمى وتحاول تسرق معلومات اسلحتهم النوويّة عشان تمنعهم من تفجير القمر (شطحة رهيبة).
- اختلاف كبير في مزايا الاسلحة يخليك فعلاً تحتار في اختيارهم قبل كل مهمّة.
- تعدد طرق الوصول للهدف، سواء كانت مدرعم والا متخفّي.
السلبيات
- كثرة التعليقات والاغلاط في اللعبة تخليك تكرها بعد فترة. ممكن تكون في مكان المفروض انه مخفي، لكن يكشفونك الاعداء فيه.
- التحكم ينرفز: على سبيل المثال، اذا بغيت تتشقلب (عشان تهرب وتتفادى طلقات العدو)، بعض الاحيان اللعبة تفهمها غلط وتخليك تتخبى ورى جدار.
- تصميم المراحل سيء، شي عادي انك تدخل غرفة وتلاقي واحد قدام وجهك ويطلق عليك على طول.
- اللعبة نوعاً ما قصيرة.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
CounterSpy ابهرتني بأفكارها الرائعة البعيدة عن الالعاب التقليدية. لكن كثرة الأغلاط التقنية والتصميم السيء للمراحل احبطتني وخاصة بعد فترة من اللعب. اتمنى من المطوّر انه يشتغل على جزء جديد يصلح فيه كل هذي الاغلاط ويتقن افكاره الرائعة فيه.
ألعاب مشابهة
- Metal Gear Solid 5: Ground Zeroes
- Shadow Complex
فيديو اللعبة
