الايجابيات
- أسلوب لعب جداً مميّز. تتحكّم بشخصيتين أخوان بنفس الوقت (كل واحد عصا تحكّم خاصة فيه) وتخليهم يتعاونون سوا لتجاوز العقبات وحل الألغاز. تقدر تقول تلعب طور تعاوني (Co-op) مع نفسك.
- أسلوب اللعب والأحداث اللي تمر فيها تخليك تحس بقوة العلاقة بين أبطال القصة (الاخوان الاثنين)، وتتفاعل مع التحدّيات اللي يمرّون فيها طوال القصة.
- اختلاف الاسلوب بين الشخصيتين. الأخ كبير يختلف بتصرفاته وقدراته وتعامله مع الناس عن الأخ الصغير، وفي أحيان كثيرة الاختلاف بينهم في الأسلوب يكون مضحك.
- بيئات ساحرة ومنوّعة مع موسيقى تصويرية جميلة تدعم هذي التجربة.
السلبيات
- التحكّم يلحس المخ شوي بما انه جديد، وبتحتاج وقت الى ما تتعوّد عليه شوي. وأقول شوي لانك بتستمر في اللخبطة من فترة لفترة الى نهاية اللعبة.
- وجود مشاكل تقنيّة تعيق اللعب احياناً وتضطرك تعيد اللعبة من آخر نقطة تخزين عشان تصلّح الأمور. صحيح ان نقاط التخزين تلقائية وكثيرة، لكن مشكلة هالاخطاء تطلعك من جو اللعبة.
- جرافيكس متواضع لا يليق بلعبة نزلت على نهاية الجيل. بعض المناظر في اللعبة كانت قبيحة بسبب تواضع جودة الجرافيكس. هالنوع من الألعاب يحتاج تتقن فيه التصميم والجرافيكس عشان الواحد يقدر يعيش التجربة بشكل كامل.
التقييم النهائي
-
ابو كلب
-
تمشي الحال
-
ممتعة
-
ممتازة
-
اسطورية
الزبدة
باختصار، من أروع ألعاب الجيل بالنسبة لي. تجربة جديدة ومميزّة أنصح كل لاعب أنه يجربها، خاصة اذا تعجبك ألعاب زي Ico و Journey. اللعبة عبارة عن مغامرة ممكن تنتهي منها في ساعات قليلة، لكن راح تعلق في ذاكرتك لفترة طويلة.
ألعاب مشابهة
- Ico
- Journey
فيديو اللعبة
