رمضان باقي عليه كم يوم بس – نسأل الله انه يبلغنا جميعاً الشهر – وعندنا اشياء رهيبه بنسويها من بداية الشهر الى العشر الأواخر ان شاءالله:
- برنامج جديد في قناتنا على اليوتيوب بتكون بدايته في الايام الأولى من الشهر ان شاءالله، وناوين يستمر حتى بعد نهاية الشهر. بيكون شي مميز وما قد شفت مثله ان شاءالله، فاحرص انك تكون مشترك في قناتنا 🙂
- مسابقات. مسابقات كثيره. مسابقات كثيره مره. لدرجة انه ممكن تحوم كبدكم وتقولون خلاص ما عاد نبي مسابقات. اذا منت متابعنا على فيسبوك وتويتر فنقترح تتابعنا الحين.
- مهيب شينه لو سجلنا حلقة بودكاست مباشره على الهوا، ولا؟
- بنروح نغطي معرض Gamescom ان شاءالله اللي بيبدا على نهاية الشهر. مو انا بس، بنكون انا وجميل ان شاءالله. ويمكن فيه احد معنا بعد. 😉
هذي بعض الاشياء اللي ناوين عليها، وفيه اشياء ثانيه بنعلن عنها بوقتها ان شاءالله. وان شاءالله ان القادم بيسركم سواء في شهر رمضان المبارك او بعد رمضان 🙂
