وعد مطور لعبة السيارات المنتظرة Project Cars بأنه راح يقدم جودة رسوم مذهلة في لعبتهم وهذا كان كلامهم في كل مقابلاتهم اللي راحت. واليوم الاستوديو قال إنه يستهدف دقة الوضوح الكاملة 1080p مع 60 إطار في الثانية على البلايستيشن4 والاكسبوكس ون.
ومع إستعراض اللعبة على الاكسبوكس ون قال الاخ أندي تودور لموقع يوروقيمر ( Eurogamer ):
” صحيح إن اللعبة مو 1080p الحين لكن الاستوديو شغال عليها. ما زلنا نضبط في اللعبة وأحيانا نوصل لمرحلة نقول وش ذا ما يصلح كذا لكن نكتشف في اليوم اللي بعده إننا وصلنا 60 إطار للعبة.”
اللعبة بتنزل على أجهزة الجيل الجديد بالاضافة للبي سي في 18 نوفمبر وعلى الwii u وأجهزة SteamOS في 2015.
اللعبة بصراحة بكل فيديوهاتها كانت تقدم مستوى رسوم رائع الصراحة خصوصا تأثير الطقس على الحلبات وإنعكاس الاضاءة على السيارات والبيئة يعطيها مظهر خيالي قريب من الصدق أتمنى فعلا تكون النسخة النهائية بنفس الجودة ويخلونها تشتغل على 1080p مع 60 إطار بتطلع آخر حلاوة. وش رأيكم أعزائي متحمسين للعبة ولا لا؟ شاركونا أرائكم في التعليقات.
