افترق اليوم ستديو تطوير Loot Entertainment عن سوني اليوم، ما ندري من تخلّى عن الثاني، لكن الأكيد ان الاستديو ما عاده مرتبط بسوني بعد اليوم.
المطوّر هذا، كان في يوم من الأيام مسؤول عن أحد أكبر مشاريع بلايستيشن،بلايستيشن هوم. تم اغلاق بلايستيشن هوم قبل كم شهر، ويبدو ان هذا المشروع كان آخر مشروع له مع سوني.
بالنسبة للانفصال، يقول مؤسس ستديو التطوير: “لنا فترة طويلة نبي نعلن هالاعلان، واليوم نقدر نعلن اننا صرنا ناشر مستقل. حنا مستعدين للدخول في معرض E3 هذي السنة ونعلن عن الألعاب اللي نبي ننشرها، بيكون عندنا الكثير من الألعاب اللي نبي نطلقها هذي السنة، والسنوات القادمة”.
هذا ما هو أول ستديو ينفصل عن سوني، قبل فترة انفصل مطوّر لعبة H1Z1 عن سوني في خبر قوي. يبدو ان سوني تبغى تلغي كل ستديو تطوير ما تحس ان فيه نجاح بينهم، وبشكل مباشر.
وش رأيكم بالانفصال؟
