محمد الشريف
يمكن البعض يستغرب من العنوان ويقول في نفسه: “فيه أحد ما يعرف بيرسونا؟”. للأسف كثيرين ما يعرفونها، الجيل هذا مختفية السلسلة عن الأضواء بشكل يكاد يكون تام. فريق التطوير قدّم لنا لعبة كاثرين (Catherine) على البلاي ستيشن 3 والاكس بوكس 360 واللي أعتبرها من أفضل الألعاب هذا الجيل!
من أهم أسباب عدم ظهور ألعاب بيرسونا هذا الجيل هو تخلّي المطور عن اطلاقها على الأجهزة المنزلية مثل البلاي ستيشن والاكس بوكس، فيه أسباب ثانية برضو من أهمها ان أطلس (Atlus) -المطوّر والناشر للسلسلة-تركيزهم الكامل على اليابان فقط. لذلك لو تلاحظ ان أغلب أجزاء شين ميجامي تينسي (Shin Megami Tensei) -السلسلة الرئيسية اللي تفرّعت منها بيرسونا- ما تنزل في السوق الغربي الا بعد مطالبات هائلة من اللاعبين!
اللي ما يعرف بيرسونا، هي باختصار سلسلة آر بي جي بأسلوب ياباني كرتوني بحت بقصص غريبة عجيبة. مظهر اللعبة يمكن يعطي اللاعب انها مجرد لعبة يابانية كرتونية من بين عشرات الألعاب اللي زيّها، لكنها في الحقيقة تختلف عنهم، واحتمال تكون أفضلهم! اللي يستاهل الذكر ان Persona 3 ماخذه أعلى تقييم على البي اس بي (PSP) وبرضو Persona 4 ماخذه أعلى تقييم على الفيتا! كل الجزئين هذي اعادة اصدار للألعاب الأصلية (remake) اللي نزلت على بلاي ستيشن 2.
أمس أطلس فاجأت الجماهير وأعلنت عن أربع ألعاب لبيرسونا! الألعاب هي:
Persona 5
وبتنزل على البلاي ستيشن 3 في 2014 في اليابان. وهذا فيديو تشويقي -وفي رواية أخرى تحميسي- للخبر الأهم بين باقي الاعلانات:
Persona Q: Shadow of the Labyrinth
جزء حصري للعدس (3DS) بينزل في 2014 في اليابان برضو، وهذا فيديو تحميسي للعبة:
Persona 4: Dancing All Night
وهالمرة حصريّة للفيتا (PS Vita) من تطوير استديو دينجو (Dingo) اللي سوّا ألعاب Hatsune Miku. أحداث اللعبة بتكون بعد أحداث Persona 4 بست شهور، وأما طريقة اللعبة فأعلنت أطلس انها بتكون Battle Dance ولا احد عنده العلم الأكيد بهذا، لكن اللي لعب Persona 4 يمكن يفهم المقصود من بعيد.
Persona 4: The Ultimate Ultra Suplex Hold
وهذا الاعلان الأقل أهميّة بالنسبة لنا، اللعبة بتنزل في اليابان على أجهزة الأركيد (Arcade) وبتكون لعبة قتال. هذا الفيديو للي مهتم:
هذي بالنسبة للاعلانات اللي صارت. كثير صح؟ وش رايك فيها؟ ووش أفضل اعلان بينهم بالنسبة لك؟ شاركنا رأيك بالتعليقات!
احمد خالد
بارعة
