وصلت لعبة Perception الى هدفها اللي كانت تطمح عن طريق موقع kickstarter المعروف، واللي يعلنون فيه الناس عن مشاريعهم، والناس بدورها تدعم المشروع اللي يعجبها.
طاقم تطوير اللعبة أكثر من ستديو تطوير ألعاب BioShock اللي استمتعنا فيها الجيل الماضي، واللي انتهى الاستديو فيها نهاية موجعة وطلع منهم المطورين الأساسيين. الآن نقدر نتطمن شوي بما اننا عرفنا ان عندهم مشروع يشتغلون عليه، وقدروا يوصلون للميزانية المطلوبة عشان يكملون شغلهم.
تقدر تلاحظ ان اللعبة تعتمد على بعض عناصر الرعب المعروفة، مثل الظلام واستخدام الأصوات المرعبة والغريبة. أضف الى هذا ان اللعبة تستخدم عنصر رعب يعتبر مهم في الألعاب مؤخرًا وهو ان التصوير يكون منظور أول (ما تشوف الشخصية) عشان تحس بقرب الأشياء اللي تصير حولك، وبالتالي تخاف أكثر. حسب الفيديو الموجود يبدو ان الشخصية ما راح تقدر تقاتل أو تدافع عن نفسها، وهذا برضه يعتبر عنصر مهم في ألعاب الرعب.
هذا اللي قدرت أطلعه. شكل اللعبة مثيرة للاهتمام. وش رأيكم؟
