كشفت اليوم كابكوم عن عرض جديد للعبتها القادمة رزدنت ايفل رفليشن 2، وأطلقت بعض المعلومات عن اللعبة.
الفيديو يستعرض طور Raid، وهو طور تعاوني فرعي للعبة، غير طور القصة. تقدر تلعب فيه مع واحد من أخوياك (في الجزء الأول على الأقل) وفيه لكم مهمّة معينة غالباً تكون قصيرة. الطور هذا هو نفسه طور Mercenaries في Resident Evil 5 و 6، لكن مع بعض التغييرات البسيطة.
بالنسبة للأخبار اللي طلعت، فهذي هي:
- مع اطلاق اللعبة، طور ريد ما نقدر نلعبه أونلاين 🙁
- الحلقة الأولى من اللعبة، بيكون فيها ثلاث خرايط للريد و54 مهمّة لها.
- مع كل حلقة تنزل، بيزيدون عدد خرايط طور الريد.
- بيكون فيه مهمات يومية، عشان يحمسونك تدخل اللعبة كل يوم.
- بعض الخرايط بتكون مقتبسة من رفليشنز الأول والثاني ورزدنت ايفل 6.
- بيكون فيه 15 شخصية تلعب فيها في طور الريد، منهم Claire Redfied و Moira و Barry Burton.
- بيكون فيه تطوير للشخصيات، كل ما طورتهم كل ما صار أداءهم أفضل.
- بيكون فيه تواصل بين اللاعبين في طور الريد، مثل انك تضغط زر معين وتعطي الشخصية حقتك أمر تخليها تطلب مساعدة من اللاعب الثاني. فيه حركات كثيرة مره من هالقبيل، وفيه منها حركات استهبال. تقدر تشوف بعضها في الفيديو.
وش رأيكم بالفيديو والمعلومات؟
