أحمد قربان
تم اطلاق عرض تشويقي جديد لفلم هيتمان القادم اللي اسمه هيتمان: العميل 47 (Hitman: Agent 47)، الفلم هو ريبوت (Reboot) -يعني اعادة بناء القصة من الصفر- و القاتل المأجور في الفلم راح يكون بطل مسلسل هوملاند (Homeland) الممثل اللي اسمه روبيرت فريند (Rupert Friend). الفلم واضح ان راح يكون فيه التبديل بين الملابس المعتاد، و استخدام سلاحين في نفس الوقت. بالاضافة للمحادثات اللي يكون غالب عليها طابع الغرور و الغطرسة -يعني هياط وكذة- مثل المحادثات اللي نشوفها في لعبة هيتمان.
العرض التشويقي يحتوي على ممثلين من فلم ستار تريك واسمه زاكاري كوينتو (Zachary Quinto) وايضا من مسلسل جيم اوف ثرونز (Game Of Thrones) واسم الممثل سياران هيندز (Ciaran Hinds).
الفلم ماراح يكون مرتبط باخر فلم لهيتمان، واللي كان اسم الممثل اللي مثل دور هيتمان فيه هو تيموثي اوليفانت (Tymothy Olyphant). احد المرحشين لدور هيتمان كان بطل سلسلة افلام فاست اند فيوريوس (Fast and Furious) الممثل المتوفي اللي اسمه باول والكر (Paul Walker).
من ناحية اللعبة، جزء جديد تحت التطوير لاجهزة البي سي والاجهزة المنزلية من نفس الاستديو اللي طور لعبة هيتمان ابسولوشن (Absolution) واسم الاستديو اي او انتير اكتيف (IO Interactive). الى الان مانعرف تفاصيل كثيرة عن الجزء الجديد من اللعبة.
فلم هيتمان راح يصدر يوم 28 من شهر اوقست للسنة الحالية. العرض التشويقي بالاسفل.
كتبنا عن تفاصيل الجزء الجديد للعبة هيتمان القادمة، وتقدروا تشوفوا الفلم اللي سويناه لهيتمان والمفروض ينعرض في السينما بالاسفل
هل تشوف ان فكرة الفلم موفقة او انها راح تخرب سمعة اللعبة؟
احمد خالد
بارعة
