تم الاعلان عن معلومات جديدة للعبة باتل بورن (Battleborn)، لعبة باتل بورن اللي شغال عليها ستديو قيربوكس (Gearbox) وهو نفس الاستديو المطور للعبة بوردرلاندز (Borderlands) راح تنزل لاجهزة البلايستيشن 4، اكس بوكس ون و البي سي.
لعبة باتل بورن راح تحتوي على 25 شخصية مختلفة، كل شخصية لها قدرات و اسلحة مختلفة، وتقدر تلفل كل شخصية من لفل 1 الى لفل 10 والتلفيل راح يجيك سواء من لعب المهمات او اللعب التنافسي، هذا النظام في التلفيل اسمه نظام هيليكس (Helix).
اللعبة فيها اطوار مختلفة ومهمات مختلفة، تقدر تلعب كل المهمات لحالك او مع 4 من اصحابك، وتقدر تلعب ايضا مع 4 اشخاص من نفس الجهاز اوفلاين، كل المهمات تقدر تعيدها وقت ماتبغا للتلفيل او للحصول على اسلحة جديدة.
بالنسبة للاطوار التنافسية راح يكون موجود في اللعبة 3 اطوار:
- Incursion: هذا المود راح يجيك فيه دفعات من الوحوش لتفجير قاعدتك، راح تحتاج انك تدافع عنها مع اصحابك و تحاولوا تجفير قاعدة الوحوش.
- Devastation: هذا المود عبارة عن مود تنافسي ضد بعض وهو تيم ديث ماتش مع مهمتك انك تسيطر على بعض الاماكن المحددة في الخريطة مثل طور الاعلام.
- Meltdown: هذا الطور فريقين كل فريق عنده وحوش صغيرة تبغا توصل لمنطقة معينة في الخريطة، مهتمك مع اصحابك انك تدافع عن الوحوش الصغيرة تبعكم و تساعدوها للوصول للنقطة المطلوبة، الفريق اللي يوصل وحوش اكبر هو اللي راح يفوز.
اللعبة راح تكافئك على كل الاشياء اللي تسويها، و راح يكون فيها نوعين من التلفيل، النوع الاول هو اللفل الخاص بالشخصية اللي راح تلعب فيها، بحيث عندك 25 شخصية كل شخصية راح تلفلها تلفيل خاص وراح يكون من 1 الى 10، طبعا تلفيل الشخصيات راح يعطيك قدرات خاصة لكل شخصية و ملابس خاصة لكل شخصية.
اما النوع الثاني وهو تلفيل اللاعب نفسه اللي بيلعب، طبعا لما تلفل حسابك الخاص راح يعطيك شارات جديدة و اشياء تقدر تهايط بها على اصحابك. ايضا الاشياء اللي راح تلقاها في اللعبة تقدر تعطيها لأي شخصية من الشخصيات اللي عندك.
عرض تشويقي للعبة:
اللعبة راح تنزل السنة القادمة 2016، و بعض المصادر تقول انها راح تنزل في شهر ابريل من العام القادم.
اللعبة شكلها راح تكون جميلة خصوصا ان ستديو قيربوكس صرح ان هذي اللعبة هي اكثر لعبة طموحة طورها الاستديو في تاريخه.
