محمد الشريف
في تقرير غريب، نشرت منظمة Consumer Report الخيرية قائمة للألعاب الأكثر عنفاً في عام 2014.
القائمة كلها لألعاب مشهورة ومعروفة حسب المصدر، ويبدو انهم ما كانوا يبغون يتعمقون شوي. هذي القائمة مع مختصر بسيط للأسباب:
- Grand Theft Auto V: تشجّعك على سرقة السيارات وقتل الأبرياء، وتكافئك اللعبة على هذا ويعطونك فلوس بحيث تقدر تسوي جرايم أكبر من كذا.
- Watch Dogs: تعطيك القدرة انك تتجسس على الناس، وبعض اللقطات اللي تشوفها فظيعة جدًا.
- The Evil Within: احتمال تشوف مشهد فيه منشار يقطع رقبة البطل، ولكن تنقطع اللقطة وتصير الشاشة سودا (قصدهم ان هذا أهون يعني).
- Assassin’s Creed Unity: محتوى عنيف، بحيث يقدر البطل يقاتل باستخدام سيوف وأسلحة وغيرها، وبتشوف الدم حتى على لبس البطل!
- Sunset Overdrive: تقدر تذبح أوادم وكائنات ملوّثة، لكن قتل الكائنات الملوّثة أقل عنف من قتل الناس (عشان كذا أعطوها المركز الأخير :))
ماني فاهم ليش المنظمات هذي تتعب نفسها في هالتقارير، بينما كاتبين لك التقييم العمري على كل لعبة منها. مع العلم ان كل الألعاب المذكورة 18 سنة وفوق، لكن شكلهم يدوّرون اثارة الانتباه.
أخيرًأ، حذّرت المنظمة من هالألعاب ونبّهت الناس انها ما توصل لأيدي أبناءهم.
وش رأيكم في التقرير الرهيب؟ 🙂
