Saudi Gamer
ما يخفى علينا في هذا الجيل (جيل بلاي ستيشن 3 واكس بوكس 360) ان الألعاب صارت سهلة بزيادة، وهذا بسبب ان مطوّري الألعاب صاروا يستهدفون أكبر شريحة ممكنة من اللاعبين عشان يغطون تكاليف تطوير ألعابهم.
هذا ما يعني ان الألعاب كلها سهلة، في كل سنة تنزل لنا ألعاب صعبة نستمتع بالتحديات والصعوبات اللي فيها. استمتعنا بالتحديات اللي واجهناها في لعبة الجوال Superhexagon اللي فكرتها بسيطة تقريباً ولكن قضية انك توصل لرقم قياسي عالي كانت صعبة ورائعة. لعبة Shin megami Tensei IV السلسلة العريقة اللي جزأها على 3DS كان صعب جداً!
برضو فيه اللعبة الكلاسيكية Ducktales Remastered اللي على الرغم من انها ما كانت قد توقعات اللاعبين، الا ان صعوبتها ذكرتنا بأيام الزمن الجميل والصعوبات اللي كنا نواجهها فيه.
كل هذي الألعاب ما أعطتنا جرعة التحدّي والمتعة اللي شفناها في لعبة Hotline Miami، اللي نزلت على البي سي قبل سنة، ولكن بحكم الانتشار الأكبر للأجهزة المنزلية، قررنا نحسبها من ضمن ألعاب السنة هذي. لعبة هوتلاين ميامي قدمت لنا تحديات تشيّب الراس، ولكنها في نفس الوقت كانت ممتعة الى درجة اننا كنا نستمتع باعادة كل المراحل عشان نجيب فيها نقاط عالية!
كل هذي الأسباب خلتنا نختار هاللعبة الخرافية كأصعب لعبة هذي السنة، برافو هوتلاين ميامي!
وش رأيك في لعبة هوتلاين ميامي؟ شاركنا رأيك في التعليقات!
