محمد الشريف
يقول بيتر مولينو (Peter Molyneux)، مخترع ألعاب كثيرة أشهرها فيبل (Fable)، ان مايكروسوفت مصيرها بتنزّل اكس بوكس ون بدون كاميرا كينيكت، وان هذا قرار ما يبغاله تفكير.
يقول بيتر: “يمكن عشاننا في انجلترا هنا ما نستخدم الأشياء المتعلقة بالتلفزيون كثير، ولكن ياخي كل ما أفكر فيها أحس انها استهبال. أنا وولدي نتكلم مع هالكاميرا ونقول أشياء عشوائية، ولا تفهم علينا”.
“بامكان مايكروسوفت انها تخفّض سعر تكلفة تصنيع الاكس بوكس ون اذا شالوا الكاميرا منه، ياخي أنا متأكد انهم في يوم من الأيام بيصيرون يبيعون الجهاز بدون كينيكت”.
الموضوع هذا كبير ومعقد، وكثير من الناس بيوافقون على كلام بيتر وان هذا الشي فعلاً بيصير في المستقبل. لكن هل فعلاً مايكروسوفت راح تتخلى عن الكاميرا، بعد كل التعب اللي تعبوه عليها، خصوصاً وانهم بنوا عليها تقريباً كل شي في الاكس بوكس ون؟ أتوقع صعبة.
الأكيد ان مايكروسوفت شايفه ان اكس بوكس ينباع بسعر أعلى بكثير من البلاي ستيشن 4، وكل هذا تقريباً بسبب الكاميرا. فهل بنشوف اليوم اللي تتخلى مايكروسوفت عن كينيكت؟ بيكون خبر صاعق في عالم الجيمز.
وش تتوقعون، هل تتفقون مع بيتر ولا تختلفون معه؟
احمد خالد
بارعة
