أعلن المطوّر Mojang اللي سوّا اللعبة المشهورة ماينكرافت ان اللعبة قدرت توصل الى رقم قياسي، وهو وصولها الى مليون لاعب في نفس اللحظة.
يبدو ان المطوّر طاير من الفرحة على هالانجاز الجديد، يقول:
” للمرة الأولى على الاطلاق، صار عندنا القدرة اننا نشوف كم لاعب يلعب لعبتنا الآن. حالياً (يقصد في الوقت اللي كتب فيه كلامه) فيه 998،000 لاعب يلعبون ماينكرافت في هذي اللحظة. هذا ماهو أكبر عدد نوصل له. كان بامكاني اني أصبر 5 دقايق زيادة وبيوصل الى مليون لاعب، لكن ماحد بيصدق كلامي”.
الرقم هذا يشمل لاعبين البي سي، وماك، ولينكس (كلها أنظمة كمبيوتر). يقول المطوّر ان الرقم بيكون أكبر بكثير لو قدرنا نحسب اللاعبين اللي ما يلعبونها أونلاين، واللاعبين اللي ما حدثّوا اللعبة للتحديث الأخير، واللاعبين اللي حمّلوها بشكل غير قانوني.
الملفت للنظر ان الرقم هذا تغلّب على لعبة تعتبر محبوبة جدًا على البي سي، لعبة Dota 2. هذي اللعبة هي أكثر لعبة يلعبونها اللاعبين على شبكة ستيم، واللي ما وصلت الى مليون لاعب، لكنها قريبة من هالرقم جدًا.
قبل فترة، ماينكرافت أضافت خاصّية ينتظرها اللاعبين من زمان.
يبدو ان ماينكرافت ما انتهت للآن، وحسب هلأرقام المهولة، الظاهر انها ما راح تموت في أي وقت قريب.
وش رأيك بالانجاز الجديد للعبة؟
