بعد المبلغ الكبير اللي قدمته شركة المايكروسوفت عشان تشتري لعبة ماين كرافت والشركة السويدية المطورة لها Mojang. تكلم الكثير عن انه كيف شركة مثل المايكروسوفت تقدر تلبّي احتياجات ورغبات مُحبين اللعبة.
رئيس منصة الاكس بوكس فيل سبنسر قال بأن فكرة شراء اللعبة من قِبل المايكروسوفت جدية بالنسبه لهم ، واضاف انه من الممكن انه تكتمل الصفقة في نهاية العام الحالي . سبنسر بعد اضاف بأنه يشوف ان ماين كرافت لعبة من افضل الالعاب وفئات كثيره مُحبة للعبة بنات واولاد كبار وصغار. مايكروسوفت قالت بأنه في حالة اكتمل شرائها للعبة ماتفكر ابد في منع بيعها ونشرها للمنصات المنافسة لها مثل سوني.
يقول سبينسر: “هذا موضوع كبير بالنسبة لنا. أشوف انها لعبة رائعة تحسب لنا في مكتبة ألعابنا. أحب لاعبين ماينكرافت”.
سألوه عن امكانية تطوير جزء ثاني لماينكرافت. يقول سبينسر: “ما أدري عن ماينكرافت 2، لكن مجتمع اللاعبين في ماينكرافت قوي، ونحتاج نكون في محل توقعات المجتمع القوي هذا. لازم نلبّي رغبات هذا المجتمع بالاضافة الى أشياء ثانية نبغى نسويها. حنا واعين ان الأشياء اللي بنسويها ما راح ترضي المجتمع بنسبة 100%، لان مافيه شي بيرضي الناس كلها، ولكن مهمتنا الأولى هي تلبية رغبات مجتمع ماينكرافت، بعد ما نسوي هذا بنشوف كيف نكبّر اللعبة ونخليها تنمو”.
وش رأيك في تصريحات فيل سبينسر؟
