أعلنت مايكروسوفت عن امكانية ملاك الإكس بوكس ون بالولايات المتحدة أنهم يشترون فلم The Interview ،وبتقدر تشتريه أيضا إذا كان عندك أي بي سي يشتغل بنظام ويندوز أو جوال ويندوز فون.
سوني كانت ضحية لإختراق ضخم لشبكتها والي أدى لتسريب الفلم ونشره على الإنترنت على الرغم من الجهود الي تحاول حظر الفلم ، ولكن الأن بيتم عرضه بصالات سينما كثيرة وبيكون متوفر للشراء على الإنترنت ، وعلقت مايكروسوفت على الموضوع بإن إختراق حقوق الغير على الإنترنت يعتبر إختراق لحقوق الجميع ، ولهذا بنحاول كلنا أننا نحميها.
صرحت مايكروسوفت على مدونتها الرسمية “في الولايات المتحدة ، حرية التعبير مبدأ أساسي عندنا وتتم حمايته من قبل القانون ، نشوف أن كل شخص لازم يقرر وش الأنسب له ، وش الكتاب الي بيقرأه ووش الفلم الي بيشوفه ، حتى وش اللعبة الي يبغى يلعبها ، مافيه بوقتنا الحالي أي مكان تقدر تسوي فيه الي تبغاه إلا الإنترنت ونشوف أنه من المهم أننا نوقف مع سوني عشان نحمي حقوقنا وحريات الناس من الإرهاب الإلكتروني”.
وش سالفة الفيلم ؟ سالفة الفيلم بأن فيه مجموعة هاكرز أخترقوا Sony Pictures ، الهاكرز ذولي يقال أنهم من حكومة كوريا الشمالية ، وبسبب هذا الإختراق تم تسريب الفيلم وألغي إطلاقه بالسينما. كبر الموضوع وصار عليه ضجة اعلامية لدرجة ان رئيس الولايات المتحدة الأمريكية باراك أوباما تكلم عن الموضوع. بعدها غيرت سوني رأيها قبل كم يوم وأعلنت أنها بتنزل الفيلم على الشبكات الإلكترونية مثل جوجل بلاي وبلايستيشن.
وش رأيك في هذا النوع من التضامن؟
