يقول أحد ممثلي شركة مايكروسوفت (Microsoft) لموقع (Gamespot) :أن مايكروسوفت ما عندها نية لتنزيل العاب هيلو (Halo) على ستيم (Steam). لكن الخبر الكويس في الموضوع أن لعبة هيلو الأخيرة (Halo: Spartan Assault) بتنزل على ستيم في 4 أبريل. أما بالنسبة للعبة هيلو الجاية فيتوقع إنها تنزل هالسنة، لكن ما أحد يدري إذا بتكون حقت الاكس بوكس ون (Xbox one) او اللي أشيع عنها اخيرا ريميك للعبة هالو 2.
بصراحة أشوف هذا حق من حقوق مايكروسوفت، صحيح ان البعض يشوفه احتكار لكن هالخبر خلاني أطلع بتحليلين، الاول: أن مايكروسوفت ممكن تكون شغالة على خدمة خاصة لها على ويندوز (Windows) تنزل فيه العابها بعيدا عن ستيم، او إن مايكروسوفت بتطلع من سوق العاب الpc وبتركز بس على أجهزتها المنزلية زي الاكس بوكس ون وراح تخلي سلسلة هيلو حصرية بالكامل على جهاز الاكس بوكس. وش رايكم أعزائي هل تؤيدون كلامي والتحليل اللي طلعت فيه او لكم رأي آخر؟ شاركونا هذي الأراء في التعليقات.
