يوسف مهدي (اللي مااحتاج اكتب اسمه بالانقليزي 🙂 ) يدافع عن الشركة اللي شغال فيها واللي هي مايكروسفت (Microsoft) بعد الاتهامات الكثيرة اللي جات له ولمايكروسفت بسبب التغييرات المفاجأة اللي سووها.
قال مهدي:” من جهة الموضوع صعب (يقصد التغيير)، لكن من جهة ثانية الموضوع سهل جدا، في رأيي لما الناس ينتقدوك لسماعك ردة فعل الجمهور و تطبيقك لكلامهم، هذا انتقاد محمود بالنسبة لي و مشكلة ايجايبة اكثر من انها سلبية.”
كمل:” اكيد ان الكل يبغا اموره تكون سليمة من اول مرة لكني اعتقد ان الافضل من ذلك هو ان تكون عندك ردة فعل سريعة.”
مهدي يعتقد انهم اتغلبوا على الانتقادات اللي جاتهم بسبب تغييرات مايكروسوفت المفاجأة عن طريق اظهارهم ردة فعل سريعة للجمهور.
قال مهدي:” في البداية اعتقد اننا واجهنا بعض الانتقادات الحادة عن تغييراتنا المفاجأة و الناس بدأت تقول اننا بنعكس توجهاتنا، لكني اعتقد في نظري اننا بنظهر احترامنا للمستهلك و اننا بنستجيب لطلباته وبنحل المشاكل، عندي احساس اننا اذا حلينا المشاكل و استمرينا في صناعة اشياء جديدة راح نخرج بشي جدا ممتاز.”
قال مهدي:” جئنا معرض اي ثري (E3) و احنا مركزين ومتشوقين و متحمسين لعرض اشياء مميزة للجمهور، وراح نسمتر بنفس الحماس في المستقبل.”
في وجهة نظري ان التغيير كان لمصحلتهم على المستقبل القريب وراح يجيب لهم ارباح سريعة في فترة بسيطة، لكن اذا اخذت الصورة بشكل اكبر راح تلاحظ ان هذه التغييرات راح تقلل من سمعتهم في المستقبل، يعني ماتقدر تضمن كلامهم لانهم كل فترة يغيروا شغلهم ويتراجعوا عن قرارات مهمة.
اش رايكم تشوفوا ان التغيير و استجابة طلب المستهلك شي ممتاز حتى لو كان على مصلحة توجه الشركة؟ شاركونا
