مارك زكربيرق (Mark Zuckerberg) مؤسس موقع الفيس بوك ينصح الآباء انهم يسمحون لابنائهم بلعب العاب الكمبيوتر.
قال مارك: “السماح للاطفال بانهم يلعبون بالاشياء اللي حولهم هو من افضل الاشياء اللي ممكن تسويها لهم كأب”
قال مارك ان سبب دخوله للبرمجة هو العاب الكمبيوتر، اعطى قصة في مقابلته وقال فيها انه لما كان صغير كانت مدينتهم ينزل عليها ثلج، و كان وده يلعب بكرات الثلج مع اخواته، لكن اخواته مايحبون يلعبون بكرات الثلج، قام صمم لعبة للقتال بالثلج، قال مارك: “اللعبة كانت سيئة” لكنه وضح ايضا ان المشروع البسيط هذا هو اللي الهمه للدخول في عالم البرمجة.
قال مارك: “اعتقد ان الدينمايكية اللي تكون حول الاطفال عند نموهم و انهم يلعبون و يطورون الالعاب هو شيء مهم، لأنهم بهذي الطريقة يدخلون الى عالم البرمجة، انا شخصيا ماكنت راح ادخل عالم البرمجة اذا مالعبت العاب الكمبيوتر لما كنت صغير في العمر”
“معظم المهندسين اللي اعرفهم، وبعضهم يعتبر من افضل المهندسين اللي في العالم دائما يتعلمون بأنفسهم، احنا نحتاج نشتغل على اننا نتعلم بأنفسنا لاظهار اشياء جديدة للناس”
ايضا وضح مارك ان هدفهم هو التحسين المستمر لجهاز الاوكلوس ريفت (Oculus Rift) حتى بعد اصداره، ووضح ان هدفهم المستقبلي هو جعل جهاز الاوكلوس كأنه نظارة عادية، ومارك ايضا اتكلم عن مشروع شركة مايكروسوفت المعروف باسم هولولينز (HoloLens) و قال انه مايتوقع يشوف الجهاز بشكله المتوقع في فترة قريبة.
قال مارك: “جهاز الهولولينز يحتاج 5، 7، 10 او ممكن 12 سنة حتى يتم صناعته بالشكل المطلوب بحيث انه يشتغل فعليا و يكون سعره رخيص بما فيه الكفاية للجميع في كل العالم لاستخدامه”
كلام سليم من الاخ مارك، و نشوف هل مايكروسوفت راح ترد على الكلام القوي من مارك او لا.
وش رأيكم بكلام مارك؟
