وحدة من الممثلات المعروفات في مسلسل جيم أوف ثرونز، Maisie Williams اللي تمثل دور Arya، تقول انها تبغى تمثّل دور إيلي في الفيلم المبني على لعبة The Last of Us، لكن يبدو ان فيه مشاكل وعوائق.
قد كتبنا من قبل عن ترشيح الممثلة كوحدة من المرشحين لدور إيلي، لكن اليوم فيه تفاصيل أكثر. تقول ميسي:
“اجتمعت مع Sam Raimi (مخرج الفيلم) وNeil Druckmann (مخرج اللعبة) ,وعرضوا علي اني أشارك في العرض المسرحي اللي بيسوونه في معرض Comic Con، ولكنهم طلبوا مني اني أتفرج على اللعبة كاملة وأعرف وش السالفة لان الجمهور ما يبغون يشوفونها تغلط في مشاركتها”.
“وقتها كنت أشتغل شغل كثير مره مع مسلسل جيم أوف ثرونز وما بغيت أشتغل معهم شغل يمشّي الحال (تقصد احتمال يتأثر مستواها) فرفضت المشاركة. قالوا ما عندنا مشكلة، وقالوا انهم بيعلنون ان فيه نقاشات بيننا. من هنا حسيت انهم يبغوني أمثّل الدور، وأنا ودّي أسويه. لكن مافيه مخرج، ولا فيه حوارات مكتوبة، ولا شي. فعشان كذا أقدر أقول ان جوابي بيكون ايه، لكن توّنا في بداية الموضوع”.
يبدو ان ميسي من جد متحمسة للموضوع، لكن هل تشوفون انها بتكون مناسبة لدور إيلي؟ عطونا آراءكم!
