بعد التحديث الشهري الأخير لألعاب بلاي ستيشن بلس، واحد من أعضاء منتدى NoeGAF لاحظ ان تواريخ الانتهاء حقت الألعاب انشالت، بالاضافة الى مؤشرات ثانية احتمال تدل على ان الألعاب هذي بتصير لك للأبد.
العادة ان التواريخ تكون مرتبطة بتاريخ انتهاء اشتراكك مع بلاي ستيشن بلس، واذا انتهى اشتراكك تنسحب منك كل الألعاب المجانية اللي اخذتها، الين ما ترجع تشترك وترجع لك الألعاب مره ثانية. لكن اليوم اكتشف العضو الطيب هذا ان التواريخ انشالت. شف الصورة
الكلام باللغة الأسبانية، لكن حسب ما ترجمها (وتأكدوا منها الأعضاء) طلع كلامه صحيح. مو بس كذا، العضو راح للفيتا وسوا نفس الشي ولاحظ ان فيه رسالة مكتوب فيها you can keep them forever at no added cost وتعنى انك تقدر تملك هالألعاب للأبد بدون أي قيمة اضافية!
الملاحظة الوحيدة ان الكلام هذا حالياً فقط متوفر في بلاي ستيشن أوروبا، وهذا اللي خلّا الناس تشك انه مجرد خطأ لا أكثر. لكن عموماً نقدر نأمّل ان الكلام صحيح وماهو خطأ تقني من سوني.
وش رأيك؟
