حسب وظيفة تم الاعلان عنها في الموقع حقهم، يبدو ان آبل ناويه تدخل سوق العالم الافتراضي أو virtual reality.
حسب ماهو مكتوب في وصف الوظيفة، من الأشياء المطلوبة من اللي بيقدمون عليها، ان الشخص المتقدم يكون عنده خبرة في التطوير في مجال الواقع الافتراضي.
أما بالنسبة للمهام اللي بيسويها بعد ما يتجاوز القبول الوظيفي، فراح يسوّي لآبل “تطبيقات ذات أداء عالي يتم استخدامها في أجهزة الواقع الافتراضي” وبيتم اختبار هالتطبيقات وبيسوون عليها تجارب.
آبل الى الآن ما دخلت عالم الواقع الافتراضي، ولكن حسب التقارير ان لها فترة وهي تسجّل براءات اختراع لها علاقة بالواقع الافتراضي، وكل هالأشياء تسويها من تحت لتحت، بحيث ما تبغى الخبر ينتشر.
لو فعلاً دخلت آبل في عالم الواقع الافتراضي، وش بيكون رأيك؟
