اعلن اولكيمي لابز (Owlchemy Labs) مطور لعبة جوب سيميليتور (Job Simulator) ان هذي اللعبة راح تكون من اول الالعاب اللي راح تنزل على جهاز الواقع الافتراضي (Virtual Reality) الخاص بشركة فالف (Valve) وايضا راح تنزل لبعض اجهزة الواقع الافتراضي الاخرى.
فكرة لعبة جوب سميليتور انك راح تلعب في عام 2050 وفي ذاك الوقت العالم سيطر عليه الآليين وصاروا هم يسووا كل شي. هم يطبخوا، ينظفوا، ويسووا خدمات للمجتمع. ومن الناحية الثانية البشر نسوا كيف يسووا هذي الاشياء. بالتالي رئيس الاليين قرر يسوي برنامج جوب (محاكي الوظيفة) سيميليتور لتعليم البشر هذي الاشياء مرة ثانية.
قال لابز: “شيء جدا محمس اننا نطور لعبة لاجهزة الواقع الافتراضي خصوصا مع انفجار هذه الاجهزة والاقبال الكبير عليها. واحنا فخورين اننا نشتغل ونطور لعبة على احد ارهب اجهزة الواقع الافتراضي بالعالم -يقصد جهاز الواقع الافتراضي تبع فالف-“
واضح ان اللعبة تحشيشية من الدرجة الاولى و حسب العرض التشويقي تبعها تشبه لعبة محاكي الجراحين (Surgeon simulator) من ناحية فيزيائيتها المضروبة والكوميديا اللي فيها.
جبنا لكم العرض التشويقي لها:
واذا بتقارنها بلعبة محاكي الجراحين جميل نزل مقطع للعبة محاكي الجراحين وجاب فيه العيد بالمسكين عبدو
اللعبة راح تكون موجودة في معرض المطورين 2015 (GDC) في منطقة شركة فالف في المعرض.
اش رايكم باللعبة متحمسين لها؟
