كم لعبة مطوّر مستقل (indie game) نزلت على بلاي ستيشن 4؟ مجرّد بحث بسيط في جوجل أعطاني ان سوني أعلنت عن 30 لعبة مطوّر مستقل، هذا الكلام قبل شهور، وقبل لا تعلن سوني عن دفعة كبيرة ثانية لألعاب المطوّرين المستقلين.
لعبت الكثير من هالألعاب، وقيمنا بعضها، لاحظت انها غالباً تاخذ تقييم “تمشي الحال”. سوّيت على الكثير منها بثوثات مباشرة، مثل آوتلاست (Outlast) وكونتراست (Contrast) وغيرها الكثير. لاحظت ان المتابعين في البث يلاحظون مستوى الألعاب هذي من ناحية الرسومات ويسألوني: “هل اللعبة هذي من جد تستاهل اني أشتريها؟”
اللاعبين في آخر يومين تعوّدوا ان الألعاب لازم شكلها يكون ممتاز، لازم الرسومات تكون مثل انفيموس (inFAMOUS) أو كيلزون (KillZone) واذا قلّت عنها يبدأون يتساءلون عن اللعبة، وهل هي تستاهل انهم يدفعون عليها فلوس ويشترونها؟ المشكلة هنا ان الألعاب “متوسّطة المستوى” اختفت، وصارت الألعاب في الفترة الحالية اما ألعاب بميزانيات هائلة، أو ألعاب مطوّرين مستقلين. لكن مو هذا موضوعنا.
سواءً أعجبتنا ألعاب المطوّر المستقل أو لا، هي بلا شك تعتبر نقطة حاسمة بين الجهازين. واحد من أسباب نجاح اكس بوكس 360 كانت اهتمامهم بالمطوّرين المستقلين، ونزلت عليه ألعاب مثل FEZ وSuper Meat Boy وغيرها من الألعاب اللي اشتهرت على وقتها. والآن نشوف تفوّق بلاي ستيشن 4 على اكس بوكس ون، ولا عندي شك ان ألعاب المطوّر المستقل لها دور في نجاح الجهاز، بما انها تضيف الى عدد مكتبة ألعابه.
وش رأيك أنت في ألعاب المطوّر المستقل، هل تشوف انها عوضت نقص الألعاب اللي في يصير في بداية كل جيل؟ أو انها مجرد تلفيق وتسكيت للاعبين؟
