أعلنت سوني أمس عن موعد اصدار التحديث المنتظر لجهاز بلاي ستيشن 4، التحديث 2.00 واللي بيكون فيه ميزات كثيرة، أهمها ميزة Share Play أو مشاركة الألعاب. تاريخ اطلاق التحديث بيكون في 28-10-2014
الميزة هذي بكل اختصار، هي ميزة تعطيك امكانية مشاركة الألعاب مع أصدقائك، بحيث تقدر تخليهم يشاركونك اللعبة اللي أنت تلعبها. المشاركة لها طريقتين، اما انك تخلي صديقك يتفرج عليك وأنت تلعب (تقدر تقول بث خاص)، أو انك تخليه يلعب معك اللعبة! صاحبك اللي تبغاه يلعب معك ما يحتاج يحمل اللعبة في جهازه حتى. هذا الفيديو يشرح لك بالتفصيل:
الشرط الوحيد للميزة هذي هو انك أنت وصديقك عندكم اشتراك في بلاي ستيشن بلس. الملفت للنظر ان تقدر تخلي صاحبك يلعب معك كلاعب ثاني في الألعاب اللي تدعم لاعبين! هذي من جد رهيبه، تخيل انك تلعب كورة أو لعبة قتال، وتخلي صديقك يشاركك اللعبة 🙂
وش رأيكم في الميزة؟
