أعلن ستديو تطوير Guierilla Games ان لعبتهم الحصرية لجهاز بلايستيشن 4 راح تشتغل بدقة ووضوح 1080p وبسرعة 30 اطار في الثانية.
الكلام هذا معناته ان اللعبة بتشتغل على دقة عالية، اذا كان عندك تلفزيون كبير غالبًا بتشوف الصورة بشكل واضح. اللعبة تشتغل بسرعة 30 اطار في الثانية، ويمكن ان هذي السرعة تكون مناسبة للعبة نفسها، لكن غالبًا الجيمرز يطالبون بسرعة 60 اطار في الثانية عشان الصورة تصير أكثر نعومة وسلاسة.
بالنسبة لمحرك التطوير، فهو نفسه اللي اشتغلوا عليه جوريلا جيمز مع لعبتهم السابقة KillZone: Shadow Fall ولكنها نسخة معدلة منها. يقول أحد أفراد فريق التطوير:
” في الواقع، هذا هو نفس المحرك اللي استخدمناه مع كيلزون الأخيرة، ولكن فيه قفزة كبيرة. محرك كيلزون اللي قبل ما كان يقدر يشغل ألعاب عالم مفتوح. في آخر سنتين اشتغلنا شغل كبير على اننا نسوي هذا الشي”.
موضوع التفاصيل التقنية مؤخرًا صاير يهم الجيمرز، بحيث يفرحون اذا كانت اللعبة تشتغل بسرعة 60 اطار في الثانية. عمومًا سرعة عرض الاطارات يعتمد على اللعبة نفسها، والبعض يزعم انه ليس بالضرورة ان عرض اللعبة بسرعة 60 اطار هو تلقائيًا أفضل.
