لعبة Homefront: The Revolution الجديدة تبغا من الناس الجميلين مثلك انهم يرسلوا صور وجههم عشان يستخدمونها كشخصيات داخل اللعبة، وضح استديو ديب سيلفر دامستر (Deep Silver Dambuster) المطور للعبة هوم فرونت انهم غالبا راح يضعوا وجيه الناس اللي راح تقبلهم كأعداء او الشخصيات الموجودة داخل اللعبة.
كتب استديو ديب سيلفر في موقعه الرسمي: “احنا نبحث عن صور لاشخاص سواء ذكر او انثى ولكل الاحجام والاشكال” ووضح الاستديو ايضا ان المتقدم لازم يكون عمره اكبر من 18 سنة. وان فترة التقديم راح تكون مدتها سنة كاملة، و مافي وقت معين لرد الاستديو للاشخاص اللي قدموا، يعني ممكن يردوا بعد يوم او بعد سنة.
اذا تم قبول صورتك راح تضطر انك تسافر لمقر الاستديو الرئيسي في مدينة نوتنقهام وراح يدفعوا لك مايقارب 280 ريال سعودي وراح ياخذوا منك مايقارب نصف ساعة لاكمال عملية تصوير كامل اجزاء وجهك.
كتب الاستديو ايضا: “راح نطلب منك الجلوس امام كاميراتنا و راح ناخذ لك سلسلة من الصور لتعابير وجهك مثل الابتسامة و لما تفتح فمك واذا كنت غاضب…الى اخره”
فكرة جميلة من الاستديو و حلو انك تشوف نفسك باللعبة صراحة.
ناوين تقدمون؟
