ادّعت مجموعة من الهاكرز (مخترقين) انها استولت على أكثر 5000 آلاف حساب من شبكة مايكروسوفت لايف وبلايستيشن و2K ناشر الألعاب.
عدد حسابات بلايستيشن اللي تم اختراقها حوالي 2131، و1473 حساب مايكروسوفت لايف، و2000 حساب من 2K.
العدد ممكن يبدو قليل للبعض، لكن CNET ماخذه الموضوع بجديّة أكبر ونصحت ان أي شخص عنده حساب في الشبكات هذي يغيّر كلمة المرور حقته من باب الاحتياط.
مجموعة الهاكرز في تصريحها تكلمت عن ماضيها، عشان تورّي الناس مدى جديتها. قالت المجموعة انها استولت على 620،000 حساب من تويتر، ومليون معلومة سريّة حصلوا عليها من موقع تابع للاستخبارات الأمريكية، وفوق .1.7 مليون حساب من EA Origins.
ماحد يدري هل المجموعة هذي من جد استولت على الحسابات في شبكة مايكروسوفت لايف وبلايستيشن أو لا، لكن ننصحك تغيّر كلمة مرورك فقط من باب الاحتياط لا أكثر.
