جراند ثيفت أوتو 4 نزلت في عام 2008، تقريباً قبل ست أو حتى سبع سنوات، تقدر تقول انها طلعت بعد بداية الجيل بشي بسيط. انبهرنا وقتها بالنواحي التقنية المخيفة اللي فيها، ولكن يبدو اننا راح ننبهر مرة ثانية هذي السنة، تحديداً اذا قارنّاها مع اللعبة اللي ينتظرها الكثير ووتش دوجز (Watch Dogs).
على اني كتبت رأيي عن اللعبة، الا انه ما يعطيني الحق اني أنكر ان اللعبة كانت خرافية من النواحي التقنية كلها، فيه فرق بين تجربتك (واللي تعتمد على ذوقك) للعبة ومستوى اللعبة في الواقع.
هذا الفيديو العجيب، يعرض لك تجارب كثيرة في اللعبة (نسخة البي سي لكل اللعبتين) عشان يوريك ان جراند ثيفت أوتو 4 لا زالت أفضل من ألعاب كثير الى يومنا هذا. بتشوفه يسوي أشياء غريبة، مثل انه يصدم في رصيف بالعاني عشان يعرض لك أثر الصدمة على السيارة وطريقة اهتزاز السيارة في الحادث في كل اللعبتين، أو انه يصدم ناس ويوريك كيف ان الدم يبقى في صدام السيارة، أو انه يرمي السيارة في المويه ويوريك كيف استجابة المويه مع وقوع السيارة فيها، وغيرها من النواحي التقنية.
لا تنسون ان هذا جراند ثيفت 4 وليس جراند ثيفت أوتو 5. أجل لو جابوا 5 وش بيصير؟ 🙂
