اذا سمعت الحلقة 194 فأكيد تذكر النقاش الحامي (والشاطح) اللي صار وقارنا فيه بين فيفا وكول أوف دوتي، وقلنا نبي نخلي الحسم للمتابعين.
اذا ما سمعتها فباختصار كنا نقول لو فجأه وقفت الألعاب وما عاد تصدر ألعاب جديدة، مين بيطفش من اللعب أول: لاعب كول أوف دوتي (او الالعاب الحربية) ولا لاعب فيفا (أو العاب الكورة عموماً)؟
أنا وأحمد كنا نقول ان العاب الكورة ما تصير قديمة، فالمتعة مرتبطة باللعب نفسه حتى لو استمريت بنفس الملعب ونفس اللاعبين وما نزل لها أي تحديث أو جزء جديد، عكس الالعاب الحربية اللي ممكن تلعب من لعب نفس الخريطة مليون مرة.
أما فيصل وجميل فيقولون ان الالعاب الحربية حتى لو ما نزل لها خرايط أو اجزاء جديدة، فاسلوب اللعب والاستراتيجيات المتخلفة والتنافس الشديد بين اللاعبين بيعطيها عمر طويل جداً نفس عمر العاب الكورة.
شاركنا برأيك في التعليقات، ولا تنسى تختاره في التصويت بعد، عشان نناقش النتائج في حلقة البودكاست الجاية!
