محمد الشريف
في مقابلة مع المدير التنفيذي لشركة EA، صرح آندرو ويلسون بأشياء كثيرة، أهمها ان سياسة الشركة بتتغير بحيث تصير تهتم باللاعب قبل كل شي ثاني.
يقول أندرو ان الشركة ما راح تصدر لعبة الا وهي “ممتازة” حتى لو أخذت وقت طويل في التطوير، برضه تكلم آندرو عن سمعة الشركة واعترف ان سمعتها ماهي سيئة، وانه يشتغل على تغيير هذا الشي.
يقول آندرو: “بكل صراحة، يوم مسكت هذا المنصب في الشركة، كان عندي شعور ان الشركة هذي ما تسوي كل ما عندها من أجل اللاعب. هدفي اني اغير هذي السياسة وأخليها تهتم باللاعب قبل كل شي”.
تكلم آندرو عن استراتيجية “اللاعب أولاً” وقال ان من ضمنها انهم يعرضون ألعابهم ويعلنون عنها من بدري، مثل ما صار في اعلان لعبة ماس ايفيكت الجديدة في معرض E3 الأخير. برضه من ضمن الاستراتيجية انهم يطلقون مراحل اختبارية لألعابهم Beta مثل ما صار مع لعبة Battlefield: Hardline. فيه غير كذا سالفة انهم ما يطلقون ألعابهم بشكل سنوي، واستشهد بلعبة Need for Speed وقال انهم غيروا سياستها بحيث ما يطلقونها كل سنة، وصاروا يعطون اللعبة راحتها في التطوير.
شركة EA من أكثر الشركات اللي ينتقدونها اللاعبين، وعلى انها من أكبر الشركات اللي تطلق ألعاب ممتازة في كل سنة، الا انها متهمة باتهامات كثيرة من اللاعبين.
وش رأيك في الاستراتيجية الجديدة للشركة؟
بارعة
احمد خالد
