أعلن إستوديو Techland اليوم عن تاريخ نزول الإضافات الثلاثة للعبة Dying Light وأن أول إضافة المعنونة بCuisine & Cargo expansion نزلت اليوم في الأسواق الأمريكية وبكرة في أسواق أوروبا والشرق الأوسط.
الإضافة الأولى متوفرة الآن وتقدر ىتشتريها وتلعبها على طول في حال كان حسابك أمريكي على البليستيشن. الإضافة بلحالها بتكلفك 5 دولار أو تقدر تاخذها مع السيزون باس اللي يشمل كل الإضافات بسعر واحد وهو 20 دولار. الإضافة الأولى بتعطيك مهمتين من المستوى الصعب وتتطلب من اللاعب أنه يتفقد مبنى قديم مقفل من أول ايام إنتشار عدوى الزومبي في المدينة.
بالنسبة للإضافة الثانية واللي بتنزل في شهر مارس بيكون إسمها the Ultimate Survivor Bundle بيجي معها ثلاث أزياء خاصة وأربع مخططات عشان تبني أسلحة قوية.
الإضافة الثالثة والأخيرة إسمها The Bozak Horde وبتنزل في شهر مايو. الإضافة عبارة عن طور لعب يطبون عليك أمواج من الأعداء داخل ملعب the Harran Stadium وكل ما خلصت دفعة تزداد صعوبة الدفعة اللي بعدها وهكذا. هذه الإضافة يمديك تلعبها إما بشكل فردي أو تعاوني.
المطور ايضا وعد أنه راح ينزل محتويات إضافية مجانية لكل اللاعبين بعيدا عن الإضافات المدفوعة.
وش رأيكم شباب بعدد الإضافات والمحتوى اللي تقدمه هل تشوفون أنه كافي أو تبون زيادة؟ شاركونا أرائكم في التعليقات.
